In su 1976 bator frades ant criadu una sienda chi galu oe est ghiada dae sos eredes de sa matessi famìllia cun su coràgiu e su determinu de sos cumintzos.
A pustis de 10 annos dedicados a sa bèndida de sos inertes lavados, otènnidos dae s’atividade de bogadura, dae su 1986 at cumintzadu sa produtzione de cartzistrutzu preconfetzionadu, a manera de serrare sa filera e de ammanniare s’oferta.
In sos primos tempos sa sienda at àpidu sa base operativa sua in localidade Badu ‘e Chima, in Bultei, inue galu oe b’est s’atividade de bogadura, de minutzamentu e de samunadura de sos inertes, e fintzas sa produtzione de cartzistrutzu.
In sos ùrtimos annos Fratelli Cherchi est crèschida a manera esponentziale: dae su 2015 a su 2018 ant postu duos impiantos de betonàgiu in sa zona industriale de Nùgoro, in prus, in su 2018 matessi, ant inauguradu una cava noa in localidade Badu ‘e Murta, in Bultei.
Pro nche contivigiare sos valores issoro, Fratelli Cherchi dae su 2001 est sòtziu fundadore de su consòrtziu Calcestruzzi di qualità della Sardegna, sete precunfetzionadores unidos cun sa punna de promòvere e ispaniare sa cultura de sa calidade in custu setore.
Torra a supra